Երբ Աստված տեսնի, որ փրկություն կամեցողների թիվը նվազում է, կամ վերանում է, հետ կքաշի իր Ամենազոր ձեռքը և հակաքրիստոսը կանցնի գործի։ Աստված մարդուն տվել է ազատ կամք և մինչև վերջ չի կամենում զրկել մարդուն՝ իր ազատ ընտրությունից: Եթե մարդը նախընտրում է նեռին, ապա Աստված հարգում է նա՛և այդ ընտրությունը։
Աշխարհի վախճանը Աստծու տարօրինակ գործերից միակն է: Ո՛չ թե նրա համար, որ Աստված մարդու համար չար բան կամեցավ, այլ՝ մարդն իր կամքով վաստակեց իր վախճանը: Աշխարհի վախճանը Աստված երկարաձգում է բոլոր հնարավոր ձևերով, որպեսզի շատերը միանան փրկության ծրագրին իրենց ազատ կամքով, և ծառայեն Աստծուն:
Հավատի այս կայունության մասին է խոսում առաքյալը, որ ունեն նրանք, որպես հավատի գործ: Նրանք սիրում էին Պողոսին, բայց այդ սերը փաստեցին իրենց կայուն հավատքի գործով:
Յուրաքանչյուր քրիստոնյա նախ պետք է իմանա, որ մեր փրկությունը Քրիստոսի արյամբ է, իսկ, մեղքերի թողությունը՝ Նրա մարմնով:
Եթե մեռնե՛լ, ուրեմն՝ Քրիստոսին միանալու արժանիքով: Իսկ եթե ապրե՛լ, ուրեմն՝ եկեղեցին դեպի փրկություն առաջնորդելու պատրաստակամությամբ:
ժամանակն օգտագործե՛ք, քանզի օրերը չար են, ասում է Պողոս առաքյալն իր սերնդի մարդկանց ,- ապա ի՞նչ պետք է ասենք մենք՝ մեր ապրած դարաշրջանի համար, երբ բազմապատկվել են մեղքերը, վերացել է զղջումը, իշխում է անտարբերությունը: