hogevor qarozner

Մարմնի արարքները կարող են խոչընդոտվել բազում արգելքներով, բայց ով մեղանչում է ցանկությամբ, նույն մեղքը գործում է մտքի արագությամբ:

Այս Սուրբ պահոց օրերին պապանձված ու փակված է անառակ բերանը, և բացված է ականջների դուռը, որպեսզի լսի կենաց խոսքը, այս օրերին վերացված է որկրամոլության իշխանությունը, և իշխում է կյանքի խոսքը՝ բխեցնելով կենաց պտուղներ, ահա վաճառվում է արդարության պսակը, և իմաստուն վաճառականը գնում է այն տնանկներին տրված ողորմությամբ և ընծաներով:

«Խնդրե՛ք Աստծուն, և Նա կտա ձեզ, փնտրե՛ք և կգտնեք, բախե՛ք, և կբացվի ձեր առաջ, որովհետև ով ուզում է՝ ստանում է, ով փնտրում է՝ գտնում է, և ով բախում է, նրա առջև բացվում է»:

Սուրբեր և Քրիստոսից սիրվածներ, աշխարհը լուսավորողներ, Սուրբ Եկեղեցու Պարծանքներ, Տիրոջ մոտ մեզ համար բարեխոսեցեք: Հիսուս Քրիստոս, երանելի վկաներդ պատերազմի մեջ նահատակվեցին և անապական պսակը ստացան, ողորմիր նաև մեզ, Աստված:

Բոլոր կենդանի էակների մեջ միայն մարդուն է տվել ուղղահայաց դիրք, որպեսզի ըմբռնես, որ կյանքդ կապ ունի վերին իրողությունների հետ: Բոլոր չորքոտանիները կքված են որովայնի վրա, մինչ մարդու հայացքն ուղղված է դեպի երկինք, որպեսզի չնվիրվի որովայնի ու նրա կրքերի ծառայությանը, այլ՝ դեպի վեր ուղղի իր բոլոր փափաքները: