Հոգևոր քարոզներ 2018 - Hogevor qarozner 2018 hogevor qarozner, hogevor karoz, hogevor karozner 2018, hogevor karoz 2018, հոգևոր քարոզներ, հոգեւոր քարոզ, հոգեվոր քարոզ, պատգամներ, 2018
ՆԻՒԹԻ ՁԱՅՆԱԳՐԵԱԼ ՏԱՐԲԵՐԱԿԸ
Հոգևոր քարոզներ 2018
Սուրբ Խաչի երևման տոն. Խաչը արդարների երանություն:
Խաչը լույսի ճառագայթ խավարի մեջ:
Խաչը արդարների երանություն:
Խաչը առաքյալների զենք:
Խաչը մարգարեների լրում:
Խաչը մարտիրոսների պսակ:
Խաչը վհատվածների հաստատություն:
Խաչը անհույսների հույս:
Խաչը սգավորների մխիթարություն:
Խաչը ճգնավորների ժուժկալություն:
Խաչը գերվածների փրկություն:
Խաչը ապաշխարողների թողություն:
Խաչը մոլորվածների ճանապարհ և ճշմարտություն:
Խաչը անխզելի արմատ ուղղափառ հավատի,
նրանով աճածների ու վերին աշխարհում պտղաբերելու համար ծաղկածների:
Սուրբ Եփրեմ Ասորի
Երուսաղեմի Մաքսիմոս հայրապետի մահից հետո հայրապետական աթոռին նստեց Կյուրեղ անունով մի աստվածապաշտ, սուրբ և իմաստուն հոգևորական: Սբ Կյուրեղն ուներ հակառակորդներ, ովքեր ցանկանում էին վտարել նրան երկրից: Բայց նա Աստծո ընտրյալն էր, և Աստված նրան բազմաթիվ շնորհներով օժտեց: 351թ. մայիսի 7-ն էր, երբ երկնքում ուժեղ լույս փայլեց, և մարդիկ ականատես եղան զարմանալի մի հրաշքի: Երկնքում երևաց փրկչական խաչի նշանը, որի պայծառությունից մթագնեց արեգակը: Այն շատ գեղեցիկ էր և շողարձակում էր ծիածանագույն շրջանակի մեջ: Լույսը տարածվելով անցավ Գողգոթայից մինչև Ձիթենյաց լեռը: Քրիստոնյաները շտապեցին դեպի Սիոնի Մայր եկեղեցի և այնտեղ երկար աղոթեցին ու իրենց գոհությունը հայտնեցին Աստծուն, որ արժանացան մեծագույն փառքի՝ Խաչյալ Քրիստոսի նշանը տեսնելուն: Այդ հրաշքին ականատես եղան ոչ միայն քրիստոնյաները, այլև Երուսաղեմի՝ տարբեր կրոններ դավանող մյուս բնակիչները: Հրեաներից
շատերը հավատացին աստվածային նշանին և գալով քահանաների մոտ՝ խնդրեցին, որ իրենց մկրտեն, որպեսզի քրիստոնեական Եկեղեցու անդամ դառնան:
Տարիներ անց Երուսաղեմի երկնքում դարձյալ շողարձակեց տերունական խաչը և աստվածային հրաշքով դրոշմվեց անհավատների հագուստների վրա՝ ինչպես կրակից խանձված տեղեր: Շատերը ջանում էին սրբել խաչի նշանը հագուստի վրայից կամ լվանալ, բայց անօգուտ էր, որովհետև դա Աստծո հանդիմանության կնիքն էր:
Շատերը դարձի եկան, հավատացին Հիսուսին, սուրբ Կյուրեղի ձեռքով մկրտվեցին և դարձան քրիստոնյաներ: Կյուրեղ հայրապետը նամակ գրեց Բյուզանդիայի Կոստանդին կայսրին, պատմեց
Երուսաղեմում սուրբ Խաչի երևման մասին և խնդրեց կայսրին, որ ամուր մնա քրիստոնեական ճշմարիտ հավատի մեջ: Սուրբ Կյուրեղի նամակը թարգմանվել է հայերեն: Ամեն տարի տոնի օրը այն
ընթերցվում է առավոտյան ժամերգության ժամանակ: Երևման խաչի տոնը մեր Եկեղեցին կատարում է Զատիկին հաջորդող հինգերորդ կիրակի օրը:
Եկեղեցու Տոնացույց
Օրվա ընթերցվածք.
Պողոս առաքյալի թուղթը գաղատացիներին 6:14
Սակայն քա՛ւ լիցի, որ ես պարծենամ այլ բանով, քան միայն մեր Տէր Յիսուս Քրիստոսի խաչով, որով աշխարհը խաչուած է ինձ համար, ես էլ՝ աշխարհի համար. որովհետեւ Յիսուս Քրիստոսով ո՛չ թլփատութիւնն է մի բան, եւ ո՛չ էլ՝ անթլփատութիւնը, այլ՝ նոր արարած լինելը:
Post Views: 3,772