Հոգևոր քարոզներ 2018 - Hogevor qarozner 2018 hogevor qarozner, hogevor karoz, hogevor karozner 2018, hogevor karoz 2018, հոգևոր քարոզներ, հոգեւոր քարոզ, հոգեվոր քարոզ, պատգամներ, 2018
ՆԻՒԹԻ ՁԱՅՆԱԳՐԵԱԼ ՏԱՐԲԵՐԱԿԸ
Օրվա ընթերցվածք.
Հոգևոր քարոզներ 2018
Ավետումն Սուրբ Մարիամ Աստվածածնի. «Ուրախացի՛ր, ո՛վ շնորհընկալ, Տերը քեզ հետ է»։
Եթե մտովի անդրադառնանք Մարիամ Աստվածածնին նվիրված յոթ տոներին, կտեսնենք թե յուրաքանչյուրի խորքում ինչ զարմանալի նախախնամություն կա Աստվածածնի կյանքի հետագա ընթացքի համար: Սուրբ Կույսի մոր հղացումը Աստծո մեծագույն պատասխան պարգևն էր Աննայի ու Հովակիմի ջերմեռանդ աղոթքի: Մարիամի ծնունդը նախապատրաստություն էր Փրկչի աշխարհ գալու,
Նրա տաճարի ընծայումը սրբագործվելու գործընթացն էր, Ավետումը` խոնարհության, հեզության և հնազանդության նախապատրաստումն էր ընտրյալ լինելու: Սուրբ Աստվածածինը այնքան սիրված ու գնահատված է, որ մինչև անգամ նրա գոտու ու տուփի գտնվելը տոնի է վերածվել: Իսկ ամենակարևորը` Աստվածածնի վերափոխումը լրումն է բոլոր տոների, գնահատականն ու վարձատրությունն է նրա սրբության, Որդու չարչարանքները արիաբար տանելու և հավերժ բարեխոս լինելու և մնալու: Այստեղ է մեծագույն խորհուրդը վարձատրության, որ Աստված խոստանում է Իրեն հավատացողներին, ասելով Իմ մայրը նա է ով լսում և պահում է Իմ խոսքը: Եթե մենք երբևէ համեմատենք Աստվածածնի կյանքի փուլերը մեր կյանքի հետ, կամաչենք մեր ապրած կյանքից ու ակամայից կասենք.
Ի՜նչ նորաձևություն, ի՜նչ շքեղություն, ի՜նչ նախապատիվ աթոռներ, ի՜նչ դատարկ մեծարանքի խոսքեր, որ երբեմն լսում ենք մեր ծննդյան տոներին: Միայն սրբերի հետ համեմատվելիս կտեսնենք մեր իրական գնահատականը, ու Աստվածածնից կխնդրենք միայն խոնարհություն և հնազանդություն: Դարձյալ փառք Աստծո, որ մեզ համար որպես օրինակ ունենք Սուրբ Կույս Աստվածածնին, Փառք Որդուն, որ մեզ հնարավորություն տվեց հավիտենական բարեխոս ունենալ Իր Սուրբ Մորը: Ամենասուրբ Երրորդությանը փառք ու պատիվ հավիտյան:
Սուրբ Աստվածածնի ծնողներն իրենց ուխտի համաձայն Մարիամին ընծայում են տաճարին: Նա մեծանում էր Աստծո տանը՝ Երուսաղեմի տաճարում, և սրբությամբ կատարում էր Տիրոջ բոլոր պատվիրանները: Այդ նույն երկրում ապրում էր Հովսեփ անունով ազնիվ և բարի մի մարդ: Նա համեստ հյուսն էր և իր ու հարազատների ապրուստը հոգալու համար աշխատում էր օրնիբուն:
Երբ Մարիամը չափահաս դարձավ, Երուսաղեմի տաճարի քահանայապետը նրան հանձնեց բարեպաշտ Հովսեփի խնամքին: Այդ ժամանակ Աստծո ուղարկած հրեշտակը հայտնվեց Մարիամին և ասաց. «Ուրախացի՛ր, ո՛վ շնորհընկալ, Տերը քեզ հետ է»։ Ահա՛ դու կհղիանաս և կծնես մի որդի ու նրա անունը Հիսուս կդնես: Նա մեծ կլինի ու Բարձրյալի որդի կկոչվի, և նրա թագավորությունը վախճան չի ունենա»: Մարիամն ասաց. «Ահավասի՛կ ես մնում եմ Տիրոջ աղախինը, թող քո խոսքի համաձայն լինի ինձ»: Նույն հրեշտակը հայտնվեց նաև Հովսեփին, երբ քնած էր, և ասաց.
«Հովսե՛փ, Դավթի՛ որդի, մի՛ վախեցիր Մարիամին քեզ մոտ առնելու, որովհետև նրա մեջ ծնվածը Սուրբ Հոգուց է։ Նա մի որդի պիտի ծնի, և նրա անունը Հիսուս պիտի դնես, քանի որ նա պիտի փրկի իր ժողովրդին մեղքերից»: Հովսեփն արեց այնպես, ինչպես պատվիրել էր Աստծո հրեշտակը: Այդպես Մարիամն արժանացավ Աստվածածին և Տիրամայր կոչվելու մեծ պատվին:
Ավետման օրը մեր երկրում տոնվում նաև է որպես Մայրության և գեղեցկության օր: Ապրիլի 7-ին` Պատարագից հետո, քահանան օրհնում է մայրության բերկրանքին սպասող կանանց: Բոլորի համար մայրն ամենաթանկն է և ամենանվիրականը: Այդ պատճառով ենք ասում՝ Մայր Եկեղեցի, Մայր Հայրենիք, մայրենի լեզու:
