Տեր, մեղքերիս ծովը ալեկոծում է ինձ, Դու, որ Բարի Նավապետ ես, նավահանգիստ շնորհիր ինձ, Ամենակարող Հայր: Բազում պատրանքներ ինձ կորստյան են մատնում, բայց Դու, Բարի Նավապետ, նավահանգիստ շնորհիր ինձ, Ամենակարող Հայր:
Դու ի՞նչ ես կրում այն ամենից, ինչ Քրիստոս կրեց քեզ համար, Ով կերակուր է տալիս բոլոր մարմիններին, ծոմ պահեց քեզ համար: Ով մեղրին քաղցրությունը տվեց, քեզ համար լեղի ճաշակեց: Ով երկինքը պսակեց աստղերի բազմությամբ, քեզ համար փշերով պսակվեց և մահու չափ հնազանդվեց:
Հեշտ է պատահական մարդուն ասել` «կներեք», սակայն դժվար է ասել նրան, ում նեղացրել ենք: Մեծ առումով մենք ուրիշ թշնամիներ չունենք, բացի մեր մեղքերից:
Երբ ասում ես, թե ամեն կիրակի հաղորդվում եմ, Նա նեղանում է` ասելով. «Ո՞ւր է քո փոխված սիրտը, կյանքը, խոսքը և գործը, եթե հաղորդվում ես: Ո՞ւր է»:
Երբ ասում ես ողորմություն եմ անում մարդկանց, Նա չի լռում, հարցնում է. «Ինչո՞ւ բոլորը իմացան քո արած ողորմության մասին, բացի ինձնից, ինչո՞ւ»:
«Փորձութիւն չէ՞ միթէ երկրի վրայ կեանքն մարդու. վարձկանի օրական վարձը չէ՞ կեանքը իր» Գայթակղություններից և փորձություններից հնարավորինս զերծ` բարի օր եմ մաղթում բոլորիս Տիրոջ կամքի և մեր հավատքի համաձայն:
Աստծուն ճշմարտապես ճանաչելու համար ունենք երեք հորդահոս աղբյուր` Աստվածաշունչ, Եկեղեցու քարոզ և մեր Հայրերի հոգևոր ժառանգությունը: