Համարձակ և ճշմարիտ քրիստոնյայի պատասխանն այս է փորձության ժամին. «Աշխարհի իշխանը ինձ վրա ոչ մի իշխանություն չունի, որովհետև իմ երկյուղը Տիրոջից է և իմ ապավենը իմ Տեր` Հիսուս Քրիստոսն է միայն»:
Հայ՛ր, ներիր նրանց, որովհետև չգիտեն, թե ի՛նչ են անում: Այ՛ո, Տեր Հիսուս Քրիստոս, մենք չգիտեինք, թե ի՛նչ ենք անում, և այդպես շարունակվում է մինչև օրս, ու դարձյալ չե՛նք հասկանում, թե ինչ ենք անում: Մեր ընդարմացած սրտերն ու մթագնած ուղեղները այդպես էլ չհասկացան Քո ցավի համը:
Մոմերը հանգցնելը խորհրդանշում է աշակերտների թողնելը և փախչելը, իսկ մեջտեղի մոմը խորհրդանշում է Քրիստոսին, որ մնացել է մենակ և անօգնական: Սքանչելի Լույսի Աղբյուր, Դու, որ հանձն առար աշակերտների ոտքերը լվանալ, մաքրիր մեզնից խավարային խորհրդի մառախուղը, աղաչում ենք Քեզ:
Ծովի վրա քայլողին 30 արծաթով վաճառեցին: Տերերի Տիրոջը գնահատեցին 30 արծաթ: «Ի՞նչ կկամենաք ինձ տալ, որ ես նրան ձեզ մատնեմ»: Եւ նրանք երեսուն արծաթ դրամ խոստացան նրան: Դրանից հետո նա առիթ էր որոնում, որ նրան մատնի նրանց:
Եթե առաջին դարերում կույսերը Քրիստոսի սիրո համար կամավոր հալածվում և նահատակվում էին, այսօր կույսերը Քրիստոսի սիրո համար կամավոր ծառայում են եկեղեցու երիտասարդական միություններում, ծանոթանալով սովորելով առաջին կույսերի անսասան հավատքի, աներկբա նահատակության ու նրանց սուրբ վարքի մասին:
Ի մտի ունենանք, որ Ծաղկազարդին` Տիրոջ հետևից գնացող բազմության մեջ էին ինչպես Նրան մատնողն ու ուրացողը, հարվածողն ու խաչը հանողը, այնպես էլ Նրա կողքից չհեռացողն ու փառաբանողը ու մինչև վերջ համբերողները, որոնք էլ հետագայում արժանացան Տիրոջից Պսակներ ստանալուն և կրելուն: