Ավագ Հինգշաբթի. Վերջին Ընթրիք, Ոտնլվայի կարգ.

Առավոտյան եկեղեցիներում կատարվում է ապաշխարողների արձակման կարգ նրանց համար, որոնք մասնակցել էին «մեղավորներին ապաշխարության կանչելու կանոնին» և պահք էին պահել :

Ավագ Հինգշաբթին Խորհրդավոր Ընթրիքի հաստատման հիշատակն է մեր Տիրոջ կողմից: Այս օրը եկեղեցում Սուրբ Պատարագ է մատուցվում և ցանկացողներին տրվում է Սուրբ Հաղորդություն: Նույն օրը երեկոյան կատարվում ոտնլվայի արարողությունը, հետևողությամբ Հիսուս Քրիստոսի ձեռքով Իր աշակերտների ոտքերը լվանալու արարողության: Հիսուս Իր աշակերտներին սիրո և խոնարհության գործնական օրինակ տալու համար լվաց նրանց ոտքերը: Գիշերը` կատարվում է Խավարման կարգ: Ավագ հինգշաբթի օրվանից սկսվում են եկեղեցական արարողությունները: Ամենից ավելի խճողված և հագեցած օրը Ավագ Հինգշաբթին է: Ոտնլվայի արարողությունը հանդիսավոր կերպով կատարվում է մանավանդ բարձրաստիճան հոգևորականի հանդիսապետությամբ և ձեռամբ: Արարողությունից հետո հավատացյալներին բաժանվում է օրհնված յուղը (կարագ) տուն տանելու համար: Խավարման արարողությունը նվիրված է Քրիստոսի մատնության, չարչարանքին և առավելաբար ծանոթ է Խավարում անունով: Արարողությունը սկսվում է երեկոյան, խորանի վրա հավասար չափով 12 մոմեր են վառում և մի հատ էլ մեծ մոմ դրվում է նրանց միջև: Արարողության ընթացքում Ավետարաններից կարդացվում են համապատասխան հատվածներ, որոնք բովանդակում են Հիսուսի Քրիստոսի Գեթսեմանի պարտեզում կատարված դեպքերը:

Յուրաքանչյուր անգամ Ավետարանը կարդալիս հանգցնում են յուրաքանչյուր կողմից մեկական մոմ, վերջում մնում է միայն մեջտեղինը: «Տեր Երկնից» շարականից հետո հանգցնում են եկեղեցու բոլոր լույսերը և ասվում է «Փառք ի բարձունս» ը: Մոմերը հանգցնելը խորհրդանշում է աշակերտների թողնելը և փախչելը, իսկ մեջտեղի մոմը խորհրդանշում է Քրիստոսին, որ մնացել է մենակ և անօգնական: Հազարավոր հավատացյալների համար Ավագ Հինգշաբթին իր ծանր խորհուրդներով ազդեցիկ և շրջադարձային նշանակություն է ունենում իրենց հավատքի կյանքում և երբեմն էլ հավատացյալները չեն ուզում լքել եկեղեցին, այնպիսի տպավորություն է կարծես թե դու էլ ես լքում Քրիստոսին:

ցանկություն, այսօրվա բոլոր արարողություններին լիարժեք մասնակցելու համար, որոնք են` առավոտյան Ժամերգություն, ապաշխարողների արձակման կարգ, Սուրբ Պատարագ, կարագի օրհնություն, Ոտնլվայի կարգ, Խավարման կարգ: Մնանք մեր Տիրոջ չարչարանքներին մասնակից, և հաղթությանը հաղորդակից: Ավագ Հինգշաբթին ծանր է, պատասխանատու է, պարտավորեցնող է, յուրաքանչյուրս ենք պատասխանատու Քրիստոսի Խաչելության համար, եթե ոչ նախկինում, ապա այժմ, մեր ապրած կյանքով: