Աղքատն առանց հացն առնելու, օրհնություն չի տա.

Հոգևոր քարոզներ 2018 - Hogevor qarozner 2018 hogevor qarozner, hogevor karoz, hogevor karozner 2018, hogevor karoz 2018, հոգևոր քարոզներ, հոգեւոր քարոզ, հոգեվոր քարոզ, պատգամներ, 2018

ՆԻՒԹԻ ՁԱՅՆԱԳՐԵԱԼ ՏԱՐԲԵՐԱԿԸ

https://www.youtube.com/watch?v=&list=PLv3C0j_n-nFLsU2Gk8oUQAteFUGQZVyR_   /// http://www.fatherarmen.com/2018/hogevor-qarozner-հոգևոր-քարոզներ-28-2/

Հոգևոր քարոզներ 2018

Աղքատն առանց հացն առնելու, օրհնություն չի տա.
Մեր սիրելի Հայոց Հայրիկի հորդորը բոլոր ժամանակների համար իրատեսական է:
Նա իր գանձերը թողել է հայաստանյան գանձատներում, և մուտքն ազատ է նրանց համար, որոնք կառնեն այդ գանձերը, կհարստանան ու կբաժանեն բոլոր մարդկանց:
Մենք էլ այսօր սկսենք մեր օրը օգտվելով այդ գանձերից: Դարձյալ Փառք Աստծուն:
 
«Կյանքդ ու վարքդ ուղիղ պահի՛ր, Թոռնի՛կ, շիտակ քայլիր, որ որդիներդ էլ քեզ հետևեն. չլինի որ խաչափառի պես միակողմանի քայլելով, խրատ տաս ձագերիդ,
թե՝ ուղիղ քայլեցե՛ք: Գիտեցի՛ր, որ նրանք պատասխան կտան քեզ.
«Հայրի՛կ, մենք տեսնում ենք, թե ինչպես ես քայլում»:
Ուխտով պատվիրում եմ քեզ, Թոռնի՛կ, կյանքիդ բոլոր գործերում ուղղությունը պահիր, պետք է գիտենաս, որ ուղղությունը կավելացնի քո վարկն ու վստահությունը ժողովրդի աչքում, որով բարի համբավ և պատիվ կստանաս ժողովրդի առաջ: Ամենամեծ բարոյական հարստությունն է քեզ համար, Թոռնի՛կ, եթե կարողանաս ժողովրդի սերն ու համակրությունը դեպի քեզ գրավել. աշխարհի բովանդակ ոսկին դրա հետ չի հավասարվի: Բայց պետք է գիտենաս, Թոռնի՛կ, որ ժողովուրդը ձրի մարդ չի սիրում և բան չառած շնորհակալություն չի հայտնում: Մի՞թե դռան աղքատն, առանց հաց առնելու, օրհնություն կտա, կամ բարերարություն ստացող մեկը առանց բարիքն ընդունելու բերանը կբանա՞ շնորհակալություն ասելու:
Աշխարհիս վրա ամեն բան փոխադարձ է»:
Խրիմյան Հայրիկ «Պապիկ և թոռնիկ» գրքից:

Օրվա ընթերցվածք.

Պողոս առաքյալի թուղթը հռոմեացիներին 7.1-11
1 Կամ թէ չգիտէ՞ք, եղբայրնե՛ր – որովհետեւ օրէնքին գիտակ մարդկանց եմ ասում – որ օրէնքը տիրում է մարդուն այնքան ժամանակ, քանի նա կենդանի է. 2 ինչպէս որ ամուսնացած կինը օրէնքով կապուած է իր մարդուն, քանի դեռ սա կենդանի է. իսկ եթէ մարդը մեռնի, իր մարդուն կապող օրէնքից արձակուած է: 3 Ապա ուրեմն, մինչ մարդը կենդանի է, շուն կկոչուի, եթէ ուրիշ մարդու կին լինի. իսկ եթէ մարդը մեռնի, ազատ է այդ օրէնքից եւ շուն չի համարուի, եթէ ուրիշ մարդու կին լինի: 4 Այսպէս էլ դուք, եղբայրնե՛ր, օրէնքի հանդէպ մեռած էք Քրիստոսի մարմնով, որպէսզի լինէք ուրիշինը՝ նրանը, որ մեռելներից յարութիւն է առել, որպէսզի պտղաբեր լինենք Աստծոյ համար. 5 քանզի մինչ մարմնական ցանկութիւնների համեմատ էինք ապրում, մեղքի կրքերը, որ օրէնքից մղում էին ստանում, զօրանում էին մեր մարմնի անդամների մէջ՝ մեզ առաջնորդելու համար մահուան: 6 Բայց այժմ բեռնաթափուեցինք օրէնքից, քանզի մեռանք այն բանի նկատմամբ, որով բռնուած էինք, որպէսզի ծառայենք հոգու նորոգութեամբ եւ ոչ՝ գրուածքի հնութեամբ: 7 Իսկ արդ, ի՞նչ ասենք. օրէնքը մե՞ղք է: Քա՛ւ լիցի. բայց մեղքը չէի ճանաչի այլ կերպ, քան օրէնքով. եւ ցանկութիւնը չէի ճանաչի, եթէ օրէնքն ասած չլինէր՝ մի՛ ցանկացիր: 8 Մեղքը պատուիրանով առիթ գտաւ եւ իմ մէջ առաջ բերեց ամենայն ցանկութիւն, որովհետեւ առանց օրէնքի մեղքը մեռած է: 9 Կար ժամանակ, որ ես էլ առանց օրէնքի կենդանի էի, բայց երբ պատուիրանն ինձ հասաւ, մեղքը կենդանացաւ, 10 եւ ես մեռայ. եւ նոյն այն պատուիրանը, որ կեանքի համար էր, իմ մահուան պատճառ եղաւ. 11 որովհետեւ մեղքը պատուիրանով առիթ գտաւ, խաբեց ինձ, դրանով էլ սպանեց: