Այս Կիրակին կոչվում է երկրորդ Ծաղկազարդ.

Հոգևոր քարոզներ 2018 - Hogevor qarozner 2018 hogevor qarozner, hogevor karoz, hogevor karozner 2018, hogevor karoz 2018, հոգևոր քարոզներ, հոգեւոր քարոզ, հոգեվոր քարոզ, պատգամներ, 2018

ՆԻՒԹԻ ՁԱՅՆԱԳՐԵԱԼ ՏԱՐԲԵՐԱԿԸ

https://www.youtube.com/watch?v=&list=PLv3C0j_n-nFLsU2Gk8oUQAteFUGQZVyR_   /// http://www.fatherarmen.com/2018/hogevor-qarozner-հոգևոր-քարոզներ-28-2/

Հոգևոր քարոզներ 2018

Այս Կիրակին կոչվում է երկրորդ Ծաղկազարդ.
Սիրելի ընթերցող, դու Պատարագից հետո կարող ես քո բոլոր գործերը ավարտին հասցնել, սակայն գործերդ ավարտելուց հետո չես կարող Պատարագ գնալ: Կիրակին կորցնում է իր հմայքը առանց Պատարագ, առանց աղոթք, առանց Սուրբ Հաղորդություն: Վեր կաց, արի, և քո ներկայությամբ լցրու եկեղեցին, թող քեզ վրա հեղվեն Սուրբ Պատարագի շնորհները, տրվող խաղաղությունը, ստացիր քո մեղքերի համար քավություն և թողություն պարգևող Սուրբ Հաղորդությունը: Վերադարձիր խաղաղված և ուրախ`մեր բոլորի Տիրոջ մեծ ողորմության շնորհիվ: Եթե չգաս, չես իմանա, թե հաջորդ կիրակի ինչ տոն է: Քրիստոնյան իրավունք չունի կիրակի օրը եկեղեցում չլինել:
 
Համբարձման հաջորդող Սուրբ Զատկի յոթներորդ կիրակին կոչվում է երկրորդ Ծաղկազարդ: Այս առիթով նույնությամբ կրկնվում են Ծաղկազարդի ընթերցվածքներն ու շարականները: Երկրորդ Ծաղկազարդի տոնախմբությունը սահմանել է Ներսես Շնորհալու եղբայրը` Գրիգոր վկայասեր կաթողիկոսը, հիմնվելով Գրիգոր Լուսավորչի Խոր Վիրապում գտնված ժամանակ պատահած մեկ ավանդական դեպքի վրա: Սուրբ Գրիգոր Լուսավորիչը երբ գտնվում էր Խոր Վիրապում, նրան սպասարկում էր մի հրեշտակ: Համբարձման չորրորդ օրը, Կիրակի` Լուսավորչին պահապան եղող հրեշտակը չի երևում, հաջորդ օրը Լուսավորիչը հարցնում է բացակայելու պատճառը և տեղեկանում է, որ այդ օրը երկնային քահանայապետությունը տոնում էր Հիսուսի երկինք Համբառնալը և այդ օրը չորրորդ դասակարգի տոնն էր: Գրիգոր վկայասեր կաթողիկոսը հատուկ շարականով ճոխացնում է երկրորդ Ծաղկազարդի կիրակին:
<<Այսօր, երկրավորների և երկնավորների Եկեղեցին ցնծում է ուրախությունից, որովհետև նախահոր հանցանքով իրարից բաժանվածները, Արարչի խոնարհությամբ վերստին միանում են>>:
Բարեբանեցեք Տիրոջը և հավիտյան փառավորեցեք Նրա Սուրբ Անունը: Մենք էլ միանալով բոլորի փառաբանությանը ցնծությամբ տոնում ենք բոլորի փրկությունը, վայելելով Քո աստվածային շնորհները:
Անսկիզբ Որդի, Դու որ առաքվեցիր Հորից և Սուրբ Կույսից ծնվեցիր, ողորմիր մեզ` մեղավորներիս, աղաչում ենք Քեզ Տեր Աստված մեր:

Օրվա ընթերցվածք.

Հովհաննես առաքյալի Ա թուղթը 5.13-21
Այս բաները գրեցի ձեզ, որպէսզի գիտենաք, թէ յաւիտենական կեանք ունէք եւ թէ հաւատում էք Աստծոյ Որդու անուանը: Եւ այս է այն վստահութիւնը, որն ունենք մենք նրա հանդէպ. այն, որ ինչ էլ խնդրենք ըստ նրա կամքի, նա մեզ կլսի. եւ քանի որ գիտենք, որ նա լսում է մեր խնդրանքները, ապա գիտենք նաեւ, որ կստանանք այն խնդրանքները, որ հայցեցինք նրանից: Եթէ մէկը տեսնի, որ իր եղբայրը գործել է մի մեղք, որ մահացու չէ, թող խնդրի, եւ Աստուած մահացու մեղք չգործողին կեանք կշնորհի. մեղք կայ, որ մահացու է. դրա մասին չեմ ասում, որ խնդրես: Ամենայն անիրաւութիւն մեղք է. բայց մեղք կայ, որ մահացու է: Գիտենք, որ ով Աստծուց է ծնուած, չի մեղանչում, եւ ով Աստծուց է ծնուած, պահում է ինքն իրեն, եւ չարը նրան չի մօտենում: Գիտենք, որ Աստծուց ենք, եւ ամբողջ աշխարհը չարի մէջ է: Եւ գիտենք, որ Աստծոյ Որդին եկաւ եւ մեզ տուեց խելք, որպէսզի ճանաչենք նրան, ով Ճշմարիտն է. եւ մենք Ճշմարտի՝ նրա Որդու՝ Յիսուս Քրիստոսի մէջ ենք. որովհետեւ նա է ճշմարիտ Աստուած եւ յաւիտենական կեանք: Որդեակնե՛ր, հեռո՛ւ պահեցէք ձեզ կռապաշտութիւնից: